വി ഡി സതീശനെതിരെ ഖാർഗെയ്ക്ക് പരാതി; ഡൽഹിയിലെത്തി അടൂർ പ്രകാശ്, സമ്മർദ്ദത്തിൽ ഹൈക്കമാൻഡ്

അടൂർ പ്രകാശ്, വി ഡി സതീശൻ

ന്യൂഡൽഹി: മുഖ്യമന്ത്രി വി ഡി സതീശനെതിരെ കോൺഗ്രസ് അദ്ധ്യക്ഷൻ മല്ലികാർജുൻ ഖാർഗെയ്ക്ക് രേഖാമൂലം പരാതി നൽകി യുഡിഎഫ് കൺവീനർ അടൂർ പ്രകാശ്. വി ഡി സതീശനെതിരെ പരസ്യ പ്രതികരണം നടത്തിയതിന് പിന്നാലെയാണ് അടൂർ പ്രകാശ് ഡൽഹിയിലെത്തിയത്. കെപിസിസി അദ്ധ്യക്ഷ സ്ഥാനത്ത് തുടരുന്ന സണ്ണി ജോസഫും ഖർഗയെ കണ്ട് സാഹചര്യം വ്യക്തമാക്കി.

അടൂർ പ്രകാശിന്റെ പരാതി എഐസിസി നേതൃത്വം പരിശോധിക്കുമെന്ന് സണ്ണി ജോസഫ് പ്രതികരിച്ചു. ഇതിനിടെ മന്ത്രി അനൂപ് ജേക്കബ് അടൂർ പ്രകാശുമായി കൂടിക്കാഴ്ച നടത്തി. വി ഡി സതീശൻ നേതൃത്വവുമായി കൂടിയാലോചന നടത്തുന്നില്ല, തീരുമാനങ്ങൾ ഏകപക്ഷീയമാകുന്നു, യുഡിഎഫ് കൺവീനർ എന്ന പദവിയെ മാനിക്കുന്നില്ല തുടങ്ങിയ ആരോപണങ്ങൾ ഉന്നയിച്ചാണ് അടൂർ പ്രകാശ് കെപിസിസി ആസ്ഥാനത്ത് വാർത്താസമ്മേളനം നടത്തിയത്.

ഡൽഹിയിലെത്തി പരാതി നൽകിയെങ്കിലും അടൂർ പ്രകാശ് മാദ്ധ്യമങ്ങളോട് പ്രതികരിച്ചില്ല. ഡൽഹിയിലെ വസതിയിൽ അടൂർ പ്രകാശുമായി കൂടിക്കാഴ്ച നടത്തിയ മന്ത്രി അനൂപ് ജേക്കബ് സൗഹൃദ സന്ദർശനമാണെന്നാണ് മാദ്ധ്യമങ്ങൾക്ക് നൽകിയ വിശദീകരണം. ഇതിനിടെ മുഖ്യമന്ത്രി വി ഡി സതീശനും ഇന്ന് രാത്രി ഡൽഹിയിലെത്തും. വലിയ ഭൂരിപക്ഷത്തിൽ ഭരണം ലഭിച്ച കേരളത്തിലെ നേതാക്കൾ തമ്മിലുള്ള അഭിപ്രായ ഭിന്നതയിൽ കടുത്ത സമ്മർദ്ദത്തിലാണ് ഹൈക്കമാൻഡ്.

English Summary

UDF Convener Adoor Prakash formally complained to Congress President Mallikarjun Kharge against Opposition Leader V.D. Satheesan. Prakash alleges Satheesan makes unilateral decisions, lacks consultation, and disrespects his convener position. This follows public criticism, with KPCC President Sunny Joseph also briefing Kharge. Satheesan is also arriving in Delhi amid high command pressure due to internal party differences.
RELATED TOPICS: ADOOR PRAKASH, V D SATHEESAN, MALLIKARJUN KHARGE, CONGRESS KERALA, UDF KERALA


Source link