സ്വർണവിലയിൽ കുതിപ്പ്; റെക്കോർഡ് ഭേദിച്ച് കുതിക്കുന്നു, ഇന്നത്തെ നിരക്കുകൾ അറിയാം

ഇന്ന് 18 കാരറ്റ് സ്വർണത്തിന് ഗ്രാമിന് 65 രൂപ വർധിച്ചതോടെ പവൻ വില 86,960 രൂപയായി. ഗ്രാമിന് 10,870 രൂപയാണ് ഈ വിഭാഗത്തിലെ നിരക്ക്. 14 കാരറ്റ് സ്വർണത്തിന് ഗ്രാമിന് 50 രൂപ വർധിച്ച് ഗ്രാമിന് 8,470 രൂപയും പവന് 67,760 രൂപയുമായി. ഒൻപത് കാരറ്റ് സ്വർണത്തിന് ഗ്രാമിന് 30 രൂപ വർധിച്ച് 5,460 രൂപയിലെത്തി; പവൻ വില 43,680 രൂപയുമാണ്.

കാറിനു പുറത്ത് കുറ്റകൃത്യം നടന്നാൽ വാഹന ഇൻഷുറൻസ് ലഭിക്കുമോ? സുപ്രീം കോടതി വിധിയും നിയമവശങ്ങളും
വെള്ളി വിലയിലും വർധന രേഖപ്പെടുത്തി. പത്ത് ഗ്രാം വെള്ളിക്ക് 30 രൂപ കൂടി 2,350 രൂപയിലെത്തി. ഗ്രാമിന് 235 രൂപയാണ് നിലവിലെ വിപണി നിരക്ക്. പശ്ചിമേഷ്യയിലെ സംഘർഷാവസ്ഥ തുടരുന്നതാണ് സ്വർണവിലയിൽ പ്രതിഫലിക്കുന്നത്. ആഗോള വിപണിയിൽ സ്വർണത്തിനുള്ള ഡിമാൻഡ് വർധിച്ചതും വിവിധ രാജ്യങ്ങളുടെ കേന്ദ്ര ബാങ്കുകൾ സ്വർണം വൻതോതിൽ കരുതലായി ശേഖരിക്കുന്നതും വില ഉയർത്തുന്നതിൽ പ്രധാന പങ്കുവഹിക്കുന്നുണ്ട്.
ഇന്റർനെറ്റ് ആവശ്യമില്ലാതെ ഓഫ്‌ലൈനായി യുപിഐ ഇടപാട് നടത്താം; ഭൂഗർഭ മെട്രോയിലും വിമാനങ്ങളിൽ വെച്ചും ഇടപാട് സിംപിൾ
ആഗോള സാഹചര്യം അനുകൂലമല്ലാത്ത പക്ഷം വരും ദിവസങ്ങളിലും വില ഉയരാൻ സാധ്യതയുണ്ട്. സ്വർണത്തോടുള്ള മലയാളികളുടെ താത്പര്യവും ഉയർന്ന തോതിലുള്ള നിക്ഷേപവുമാണ് കേരളത്തിലെ വിപണിയെ ചലിപ്പിക്കുന്നത്. ഇന്ത്യയിലേക്ക് ഇറക്കുമതി ചെയ്യുന്ന സ്വർണത്തിന് ഡോളറിലാണ് പണം നൽകേണ്ടത് എന്നതിനാൽ, ഡോളറിനെതിരെ രൂപയുടെ മൂല്യം കുറയുന്നത് ആഭ്യന്തര വിപണിയിൽ വില വർധിക്കാൻ ഇടയാക്കുന്നു.