മെട്രോ സ്റ്റേഷനിൽ ലുലുവിന്റെ മാന്ത്രികസ്പർശം: ചെന്നൈയിൽ ചരിത്രം കുറിച്ച് ആദ്യത്തെ ഹൈപ്പർമാർക്കറ്റ്

ചെന്നൈ: തമിഴ്നാട്ടിലേക്ക് കൂടി തങ്ങളുടെ സാന്നിധ്യം വ്യാപിപ്പിച്ച് ലുലു ഗ്രൂപ്പ്. ചെന്നൈയിലെ ഷെണോയ് നഗർ, സെൻട്രൽ മെട്രോ സ്റ്റേഷനുകൾ കേന്ദ്രീകരിച്ച് ആരംഭിച്ച പുതിയ രണ്ട് റീട്ടെയിൽ ഷോപ്പുകളുടെ ഉദ്ഘാടനം തിങ്കളാഴ്ച സ്പീക്കർ ജെ.സി.ഡി. പ്രഭാകർ നിർവഹിച്ചു. ചടങ്ങിൽ ലുലു ഗ്രൂപ്പ് ചെയർമാൻ എം.എ. യൂസഫലി സന്നിഹിതനായിരുന്നു. മന്ത്രിമാരായ രാജ്മോഹൻ അറുമുഖം, പി. വെങ്കട്ടരമണൻ, എംഎൽഎമാരായ കനിമൊഴി സന്തോഷ്, വി.കെ. രാംകുമാർ തുടങ്ങിയ പ്രമുഖരും ചടങ്ങിൽ പങ്കെടുത്തു.

ചെന്നൈയിൽ പ്രവർത്തനം തുടങ്ങാനായതിൽ വലിയ സന്തോഷമുണ്ടെന്ന് വ്യക്തമാക്കിയ എം.എ. യൂസഫലി, തമിഴ്നാട് സർക്കാരിന്റെ മികച്ച സഹകരണത്തിന് നന്ദി രേഖപ്പെടുത്തി. സംസ്ഥാനത്ത് കൂടുതൽ മുതൽമുടക്കുകൾ നടത്തുമെന്ന് അദ്ദേഹം പറഞ്ഞു. ഇതിന്റെ ഭാഗമായി തിരുപ്പൂരിൽ പുതിയൊരു മിനി മാൾ സ്ഥാപിക്കാനും ഭക്ഷ്യസംസ്കരണ മേഖലയിൽ യൂണിറ്റുകൾ തുടങ്ങാനും പദ്ധതിയുണ്ടെന്ന് അദ്ദേഹം അറിയിച്ചു. തമിഴ്നാട്ടിലെ നിക്ഷേപ സാധ്യതകളെക്കുറിച്ചും ഗ്രൂപ്പ് സജീവമായി പഠിച്ചുവരികയാണ്.<