പാമ്പ് പിടിക്കുന്നതിനിടയിൽ ദാരുണാന്ത്യം; സ്വന്തം വീട്ടിലെത്തിച്ച പാമ്പിന്റെ കടിയേറ്റ് യുവാവ് മരിച്ചു

സന്ദീപ്

തിരുവനന്തപുരം: പാമ്പുകളെ പിടികൂടുന്നയാൾ പാമ്പുകടിയേറ്റ് മരണപ്പെട്ടു. ചിറയിൻകീഴ് ഈഞ്ചക്കൽ വലിയ ഏലായിൽ അയ്യങ്കാളി സ്മാരകത്തിന് സമീപം വാടകവീട്ടിൽ കഴിഞ്ഞിരുന്ന കണ്ണൻ എന്ന സന്ദീപ് (33) ആണ് ലോകത്തോട് വിടപറഞ്ഞത്.

നാട്ടുകാരുടെ അഭ്യർത്ഥന മാനിച്ച് സന്ദീപ് പാമ്പുകളെ പിടികൂടാറുണ്ടായിരുന്നുവെന്നാണ് നാട്ടുകാർ വ്യക്തമാക്കുന്നത്. ഈ രീതിയിൽ പിടിച്ച പാമ്പുമായി തന്റെ വസതിയിലെത്തിയ സന്ദീപിന് കഴിഞ്ഞ ദിവസം രാത്രി പതിനൊന്നരയോടെയാണ് കടിയേറ്റത് എന്നാണ് വിവരം. തുടർന്ന് ഇയാളെ ചിറയിൻകീഴ് താലൂക്ക് ആശുപത്രിയിൽ എത്തിച്ചു.

ചികിത്സയിലിരിക്കെ ആരോഗ്യനില ഗുരുതരമായതിനെ തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. ഇന്നലെ പുലർച്ചെയാണ് അന്ത്യം സംഭവിച്ചത്. ഭാര്യ: രജനി. സംഭവത്തിൽ പോലീസ് ആവശ്യമായ നിയമനടപടികൾ സ്വീകരിച്ചിട്ടുണ്ട്.

                        English Summary

                            A 33-year-old snake catcher, Kannan alias Sandeep, died after being bitten by a snake. He was staying in a rented house near the Ayyankali statue at Eenchakkal Valiya Ela in Chirayinkeezhu.                            
                    RELATED TOPICS: SNAKE CATCHER DEATH, SNAKE BITE DEATH, SNAKE CATCHER, PAMBU PIDITHAM, SNAKE BITE KERALA NEWS