യൂറോപ്പിൽ ജോലി വാഗ്ദാനം ചെയ്ത് ലക്ഷങ്ങൾ തട്ടി; കേരള പൊലീസിന്റെ സിനിമ വെല്ലുന്ന നീക്കത്തിൽ പ്രതി കുടുങ്ങി
അടൂർ ∙ യൂറോപ്പിൽ ജോലി വാഗ്ദാനം ചെയ്ത് ആറു ലക്ഷത്തോളം രൂപ തട്ടിയെടുത്ത കേസിൽ ഒരാളെ അടൂർ പൊലീസ് അറസ്റ്റ് ചെയ്തു. പറന്തൽ ജിജി ഭവനിൽ ജിതിൻ രാജ് (40) ആണ് പിടിയിലായത്.
യൂറോപ്പിലെ എസ്തോണിയയിൽ വെയർഹൗസ് ജോലിയുടെ പേരിൽ അടൂർ സ്വദേശികളായ മൂന്നു പേരിൽ നിന്നാണ് ഇയാൾ പണം തട്ടിയെടുത്തത്. കഴിഞ്ഞ മാസം 17-നാണ് ഇയാൾക്കെതിരെ കേസെ registrate ചെയ്തത്. തുടർന്ന് നടത്തിയ അന്വേഷണത്തിനൊടുവിൽ ഇന്നലെ രാവിലെ മിത്രപുരം ഭാഗത്തു നിന്നാണ് പ്രതിയെ പിടികൂടിയത്.
പ്രതി വീട്ടിലുണ്ടെന്ന വിവരം ലഭിച്ചതിനെ തുടർന്ന് എസ്.ഐ പങ്കജ് കൃഷ്ണ, സി.പി.ഒമാരായ എസ്. ബൈജു, അർജുൻ, അരുൺരാജ് എന്നിവരുടെ നേതൃത്വത്തിലുള്ള പൊലീസ് സംഘം സ്ഥലത്തെത്തിയിരുന്നു. പൊലീസിനെ കണ്ട ഉടൻ കാറിൽ കയറി രക്ഷപ്പെടാൻ ശ്രമിച്ച ജിതിൻ രാജിനെ, പൊലീസ് പിന്തുടർന്നു പിടികൂടുകയായിരുന്നു. കോടതിയിൽ ഹാജരാക്കിയ പ്രതിക്ക് പിന്നീട് ജാമ്യം ലഭിച്ചു.
Source link
