1951-ലെ മദ്രാസ് ഹിന്ദു റിലീജ്യസ് ആൻഡ് ചാരിറ്റബിൾ എൻഡോവ്‌മെന്റ്സ് ആക്ടിന്റെ പരിധിയിൽ വരുന്ന സ്ഥാപനങ്ങളുടെയും എൻഡോവ്‌മെന്റുകളുടെയും ഭരണകാര്യങ്ങളും ഓഡിറ്റും ഇതുവരെ ജനുവരി ഒന്ന് മുതൽ ഡിസംബർ 31 വരെയുള്ള ഫസലി വർഷത്തെ മാനദണ്ഡമാക്കിയായിരുന്നു നടപ്പാക്കിവന്നിരുന്നത്. എന്നാൽ, സർക്കാരിന്റെ ബജറ്റ് സഹായം ലഭ്യമാകുന്ന മലബാർ ദേവസ്വം ബോർഡിന്റെ കണക്കുകൾ മാത്രം സാമ്പത്തിക വർഷത്തിന്റെ കണക്കെടുപ്പ് രീതിയിലാണ് തയ്യാറാക്കുന്നത്. ഈ അപാകത പരിഹരിക്കുക എന്നതാണ് പുതിയ ഭേദഗതിയുടെ പ്രധാന ലക്ഷ്യം.
മലബാർ ദേവസ്വം ബോർഡിന് കൂടുതൽ പ്രവർത്തന സ്വാതന്ത്ര്യവും അധികാരങ്ങളും ഉറപ്പുനൽകുന്ന സമഗ്രമായ മറ്റൊരു ബിൽ വരുന്ന നിയമസഭാ സമ്മേളനത്തിൽ അവതരിപ്പിക്കും. തിരുവിതാംകൂർ, കൊച്ചി ദേവസ്വം ബോർഡുകൾക്ക് നിലവിലുള്ളതുപോലെയുള്ള വിശാലമായ അധികാരങ്ങൾ മലബാർ ബോർഡിനില്ലെന്നും, ഈ അവസ്ഥയ്ക്ക് മാറ്റം വരേണ്ടതുണ്ടെന്നും മന്ത്രി വ്യക്തമാക്കി.
Source link
