ശ്രീനാരായണ ഗുരുദേവൻ ജീവിച്ചിരുന്ന കാലത്ത് ശിവഗിരിയിലെ നവരാത്രി ആഘോഷ വേളകളിൽ കലാപരിപാടികൾ അവതരിപ്പിക്കാൻ അനുവാദം നൽകിയിരുന്നു. മുതുകുളം പാർവതി അമ്മയ്ക്ക് കവിത ചൊല്ലാനും, മണ്ണാന്തറ പാർവതി അമ്മയ്ക്ക് പ്രസംഗിക്കാനുമുള്ള വേദിയൊരുക്കുകയുണ്ടായി. ഇരുവരെയും ഗുരുദേവൻ നേരിട്ട് സമ്മാനങ്ങൾ നൽകി അനുഗ്രഹിച്ചതായും സ്വാമി ഓർമ്മിപ്പിച്ചു.
കേന്ദ്രത്തിലും കേരളത്തിലും നിലവിലുള്ള മുന്നണി രാഷ്ട്രീയ ഭരണരീതിയോട് പൊതുജനങ്ങൾക്കിടയിൽ വെറുപ്പും നിരാശയും രൂപപ്പെട്ടു കഴിഞ്ഞിരിക്കുകയാണെന്ന് നവരാത്രി ആഘോഷങ്ങൾ ഉദ്ഘാടനം ചെയ്തുകൊണ്ട് നടൻ ദേവൻ അഭിപ്രായപ്പെട്ടു. മുന്നണി സർക്കാരുകളുടെ ഭരണത്തിൽ പിന്നാക്ക വിഭാഗങ്ങൾക്കും പാർശ്വവൽക്കരിക്കപ്പെട്ടവർക്കും അർഹമായ അവകാശങ്ങളും അവസരങ്ങളും നിഷേധിക്കപ്പെടുകയാണ്.
തിന്മയെ വേരോടെ പിഴുതെറിഞ്ഞ് നന്മയുടെ വെളിച്ചം ലോകമെങ്ങും വ്യാപിപ്പിക്കാനുള്ള ചിന്തകളാണ് നവരാത്രി ഉത്സവം സമ്മാനിക്കുന്നതെന്ന് ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ അഭിപ്രായപ്പെട്ടു. ശിവഗിരി മാസിക ചീഫ് എഡിറ്റർ സ്വാമി അവ്യയാനന്ദ, ഗുരുധർമ്മ പ്രചാരണ സഭ സെക്രട്ടറി സ്വാമി അസംഗാനന്ദഗിരി, ആഘോഷക്കമ്മിറ്റി കൺവീനർ സ്വാമി വിരജാനന്ദ എന്നിവർ ആശംസകൾ നേർന്നു സംസാരിച്ചു. ധർമ്മസംഘം മുൻ ട്രഷറർ സ്വാമി പരാനന്ദ നവരാത്രി ദീപപ്രകാശനം നിർവഹിച്ചു.
ഫോട്ടോ……. ശിവഗിരിയിലെ നവരാത്രി ആഘോഷച്ചടങ്ങുകൾ പ്രശസ്ത നടൻ ദേവൻ ഉദ്ഘാടനം ചെയ്യുന്നു.
Source link
