ഉത്തർപ്രദേശിലെ ബിജെപി ഭരണം അംഗദന്റെ പാദം പോലെ: അടുത്ത 30 വർഷം അധികാരം ലഭിക്കില്ലെന്ന് അഖിലേഷ് യാദവ്
ലക്നൗ∙ ഉത്തർപ്രദേശിൽ സമാജ്‍വാദി പാർട്ടിക്കെതിരെ രൂക്ഷമായ വിമർശനവുമായി കേന്ദ്ര ആഭ്യന്തര മന്ത്രി അമിത് ഷാ രംഗത്തെത്തി. വരുംകാലങ്ങളിൽ തങ്ങൾ അധികാരത്തിൽ തിരിച്ചെത്താമെന്ന സമാജ്‍വാദി പാർട്ടിയുടെ സ്വപ്നങ്ങൾക്ക് യാതൊരു അടിസ്ഥാനവുമില്ലെന്ന് അദ്ദേഹം ഓർമ്മിപ്പിച്ചു. ലക്നൗവിൽ നടന്ന ബിജെപി സംസ്ഥാന വർക്കിങ് കമ്മിറ്റി യോഗത്തിൽ സംസാരിക്കുകയായിരുന്നു അമിത് ഷാ.
‘‘അഖിലേഷ് ബാബു, ഒരു കാര്യം നിങ്ങൾ മനസ്സിലാക്കി വെച്ചോളൂ. ഇനി വരാനിരിക്കുന്ന മൂന്ന് പതിറ്റാണ്ടുകാലത്തേക്ക് ഉത്തർപ്രദേശിൽ സർക്കാർ രൂപീകരിക്കാൻ നിങ്ങൾക്ക് കഴിയില്ല. നിങ്ങളുടെ പിൻതലമുറകളോട് പോലും ജനങ്ങൾ പൊറുക്കാൻ പോകുന്നില്ല. അംഗദന്റെ പാദം പോലെ ഉറച്ചതാണ് ഉത്തർപ്രദേശിലെ ബിജെപി ഭരണം; അതിനെ അട്ടിമറിക്കാൻ ആർക്കും സാധിക്കില്ല. ബിജെപി തന്നെ ഇവിടെ വീണ്ടും അധികാരത്തിൽ വരും, ഇതിൽ ഒരുതരത്തിലുള്ള സന്ദേഹവും ആർക്കും വേണ്ട’’– അമിത് ഷാ കൂട്ടിച്ചേർത്തു.
