ഡെറാഡൂൺ: ഉത്തരാഖണ്ഡിലെ ചമോലിയിൽ തീർഥാടകരുമായി യാത്ര തിരിച്ച ഹെലികോപ്റ്റർ അപകടത്തിൽപ്പെട്ടു. പൈലറ്റ് അടക്കം ആറുപേരാണ് ഹെലികോപ്റ്ററിൽ ഉണ്ടായിരുന്നത്. ജോഷിമഠ് – ബദരീനാഥ് റൂട്ടിൽ സർവീസ് നടത്തുന്നതിനിടെയാണ് ദൗർഭാഗ്യകരമായ സംഭവം അരങ്ങേറിയത്.
ഉച്ചയ്ക്ക് ശേഷം ഏകദേശം 2.15-ഓടെ ബദരീനാഥിൽ നിന്ന് യാത്ര ആരംഭിച്ച ഹെലികോപ്റ്ററിന്, പ്രദേശത്തുണ്ടായ കനത്ത മഞ്ഞുവീഴ്ചയെ തുടർന്ന് നിയന്ത്രണം നഷ്ടപ്പെടുകയായിരുന്നു. ഹാഥി പർബത് മേഖലയ്ക്ക് മുകളിൽ എത്തിയതോടെ കൺട്രോൾ റൂമുമായുള്ള ആശയവിനിമയ ബന്ധം പൂർണ്ണമായും വിച്ഛേദിക്കപ്പെടുകയും ചെയ്തു.
