കുടുംബം എതിർത്ത വിവാഹം; എടുത്തുചാട്ടമെന്ന് വീട്ടുകാർ വിധിയെഴുതിയ ആ പ്രണയകഥ ഇങ്ങനെ

ബിജെപി നേതാവും നടനുമായ കൃഷ്ണകുമാറിന്റെ മകളും പ്രശസ്ത സോഷ്യൽ മീഡിയ ഇൻഫ്ലുവൻസറുമായ ദിയ കൃഷ്ണയുടെ ഏറ്റവും പുതിയ വ്ലോഗ് ഇപ്പോൾ സമൂഹമാധ്യമങ്ങളിൽ സജീവ ചർച്ചയാവുകയാണ്. തന്റെ ആരാധകർ ചോദിച്ച ചോദ്യങ്ങൾക്ക് മറുപടി നൽകിക്കൊണ്ട് പങ്കുവെച്ച വീഡിയോയിൽ വിവാഹജീവിതത്തെക്കുറിച്ചും വ്യക്തിപരമായ നിലപാടുകളെക്കുറിച്ചും ദിയ മനസ്സ് തുറക്കുന്നു.

വിവാഹത്തിന് മുൻപ് അശ്വിന്റെ അമ്മയെ ‘മീനമ്മ’ എന്ന് വിളിച്ചിരുന്ന ദിയ, ഇപ്പോൾ എന്തുകൊണ്ട് ‘ആന്റി’ എന്ന് വിളിക്കുന്നു എന്ന ആരാധകരുടെ സംശയത്തിന് താരം കൃത്യമായ മറുപടി നൽകി. സിന്ധു കൃഷ്ണയെ മാത്രമാണ് താൻ ‘അമ്മ’ എന്ന് വിളിക്കാറുള്ളതെന്നും, അശ്വിൻ തന്റെ അമ്മയെ സിന്ധു എന്ന് പേര് ചൊല്ലിയാണ് വിളിക്കുന്നതെന്നും ദിയ വ്യക്തമാക്കി. വീഡിയോയിലെ രസത്തിനും മാർക്കറ്റിംഗിനും വേണ്ടിയാണ് ‘മീനമ്മ’ എന്ന വിളിപ്പേര് ഉപയോഗിച്ചിരുന്നത് എന്നാണ് ദിയ നൽകുന്ന വിശദീകരണം.

തങ്ങളുടെ ദാമ്പത്യത്തിലേക്ക് നയിച്ച സാഹചര്യങ്ങളെക്കുറിച്ചും ദിയ വ്ലോഗിൽ വിവരിക്കുന്നുണ്ട്. കുറച്ചു കാലം കൂടി പ്രണയിച്ച് കഴിഞ്ഞ ശേഷം വിവാഹിതരാകാനായിരുന്നു പദ്ധതിയെങ്കിലും, അശ്വിന്റെ കുടുംബത്തിന്റെ യാഥാസ്ഥിതിക നിലപാടുകൾ കാരണം വിവാഹത്തിന് നേരത്തെ സമ്മർദ്ദമുണ്ടായിരുന്നു. അങ്ങനെ പെട്ടെന്നൊരു തീരുമാനത്തിൽ വിവാഹം നടത്തേണ്ടി വന്നതിനാൽ വലിയൊരുക്കങ്ങൾക്കോ ആഘോഷങ്ങൾക്കോ സമയം ലഭിച്ചില്ല. സ്വന്തം വീട്ടിൽ കാര്യങ്ങൾ പറയുമ്പോൾ എന്തായിരിക്കും പ്രതികരണമെന്ന് തനിക്ക് ആശങ്കയുണ്ടായിരുന്നുവെന്നും, എന്നാൽ ‘നിനക്ക് താല്പര്യമുണ്ടെങ്കിൽ നടത്താം’ എന്ന് വീട്ടുകാർ ഒരൊറ്റ വാക്കിൽ സമ്മതിക്കുകയായിരുന്നുവെന്നും ദിയ പറഞ്ഞു. അഹാനയുടെ വിവാഹം ഒരു വർഷം മുൻപേ ആസൂത്രണം ചെയ്തതാണെങ്കിൽ, അത്രയും നീണ്ട പ്ലാനിംഗിന് തനിക്ക് ക്ഷമയുണ്ടായിരുന്നില്ലെന്നും ദിയ കൂട്ടിച്ചേർത്തു.