രാമായണത്തെ ആസ്പദമാക്കി ഒരുങ്ങുന്ന പുതിയ ചിത്രത്തിൽ സീതയായി സായ് പല്ലവി വേഷമിടുന്നു എന്ന വാർത്ത വലിയ ചർച്ചകൾക്കാണ് വഴിവെച്ചിരിക്കുന്നത്. നടിയുടെ ഈ കാസ്റ്റിംഗിനെതിരെ സോഷ്യൽ മീഡിയയിൽ രൂക്ഷമായ വിമർശനങ്ങളാണ് ഉയരുന്നത്.
എക്സ് (ട്വിറ്റർ) ഉൾപ്പെടെയുള്ള സമൂഹമാധ്യമങ്ങളിൽ നിരവധി പേരാണ് സായ് പല്ലവിയുടെ തിരഞ്ഞെടുപ്പിനെ ചോദ്യം ചെയ്തുകൊണ്ട് രംഗത്തെത്തിയിരിക്കുന്നത്. സീതയുടെ വേഷത്തിന് പകരം മറ്റൊരു കഥാപാത്രത്തെ നടിക്ക് നൽകാമായിരുന്നു എന്ന തരത്തിലുള്ള വ്യക്തിപരമായ അധിക്ഷേപങ്ങളും ബോഡി ഷെയ്മിങ് പരാമർശങ്ങളും ഇതിനോടകം പലയിടത്തും ഉയർന്നു കഴിഞ്ഞു.
സീതാദേവിയുടെ ഭാവങ്ങൾ സായ് പല്ലവിക്ക് യോജിക്കില്ലെന്നും, ഇതിനുമുമ്പ് രാമായണവുമായി ബന്ധപ്പെട്ട സീരിയലുകളിലും സിനിമകളിലും അഭിനയിച്ചവർക്ക് ഈ കഥാപാത്രത്തെ കൂടുതൽ ഭംഗിയായി അവതരിപ്പിക്കാൻ കഴിയുമായിരുന്നു എന്നുമാണ് വിമർശകരുടെ പക്ഷം.
സായ് പല്ലവിയെ ചുറ്റിപ്പറ്റി ഉയർന്നു വന്നിരിക്കുന്ന ഈ വിവാദങ്ങളുടെ പശ്ചാത്തലത്തിൽ, ആരാണ് സായ് പല്ലവി എന്ന് നമുക്കൊന്ന് പരിശോധിക്കാം.
