നവവധുവിന്റെ ദാരുണാന്ത്യം; ഭർതൃവീട്ടിൽ യുവതി ജീവനൊടുക്കിയ സംഭവത്തിൽ ഭർത്താവ് കസ്റ്റഡിയിൽ

എമിൽഡ

തൃശൂർ: ചാലക്കുടിയിൽ യുവതിയെ ഭർത്താവിന്റെ വീട്ടിൽ തൂങ്ങിമരിച്ച നിലയിൽ കണ്ടെത്തി. കണ്ണൂർ പരിയാരം സ്വേദശിയായ ഇരുപത്തിരണ്ടുകാരി എമിൽഡയാണ് മരണമടഞ്ഞത്. ഈ മാസം ആറാം തീയതിയാണ് പോട്ട സ്വദേശിയായ അഫ്സലിന്റെ ഭവനത്തിൽ എമിൽഡയെ അവശനിലയിൽ കണ്ടെത്തിയത്. തുടർന്ന് കറുകുറ്റിയിലെ ഒരു സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല, കഴിഞ്ഞ ദിവസം അന്ത്യം സംഭവിക്കുകയായിരുന്നു.

ഈ സംഭവവുമായി ബന്ധപ്പെട്ട് പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്. എമിൽഡയുടെ ഭൗതികശരീരം ചാലക്കുടി സെന്റ് ജെയിംസ് ആശുപത്രിയിലെ മോർച്ചറിയിലേക്ക് മാറ്റിയിട്ടുണ്ട്. പോസ്റ്റ്മോർട്ടം പരിശോധനാ ഫലം ഇതുവരെ ലഭ്യമായിട്ടില്ല.

രണ്ട് വർഷം മുമ്പായിരുന്നു എമിൽഡയും അഫ്സലും തമ്മിലുള്ള വിവാഹം നടന്നത്. ഇവർക്ക് ഒരു കുട്ടിയുമുണ്ട്. സംഭവത്തിൽ യുവതിയുടെ ഭർത്താവിനെ പൊലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്. എമിൽഡ ഇത്തരമൊരു കടുംകൈ ചെയ്യാൻ ഉണ്ടായ കാരണം എന്തെന്ന് ഇനിയും വ്യക്തത വന്നിട്ടില്ല.

(ശ്രദ്ധിക്കുക: ആത്മഹ‌ത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്‌ധരുടെ സഹായം തേടുക. അത്തരം ചിന്തകളുള്ളപ്പോൾ ‘ദിശ’ ഹെൽപ്‌ ലൈനിൽ വിളിക്കുക. ടോൾ ഫ്രീ നമ്പർ: 1056, 0471- 2552056)

                        English Summary

                            Emilda, a 22-year-old woman from Pariyaram in Kannur, died after being found in a critical condition at her husband Afsal’s house in Pota, near Chalakudy, on October 6. She was taken to a private hospital in Karukutty but died later.                            
                    RELATED TOPICS: EMILDA DEATH, CHALAKUDY NEWS, KANNUR PARIYARAM, WOMAN DIES AT IN LAWS HOME, KERALA NEWS