MANORAMA
പാമ്പിനെ ബെൽറ്റെന്ന് തെറ്റിദ്ധരിച്ചു; കുനിഞ്ഞ നിമിഷം പാഞ്ഞ് വന്ന് രാജവെമ്പാല, അത്ഭുതകരമായി രക്ഷപെട്ട് ബാബു
എരുമേലിയിൽ അവിശ്വസനീയമായ ഒരു കാഴ്ചയാണ് തിങ്കളാഴ്ച രാവിലെ ഉണ്ടായത്. എയ്ഞ്ചൽവാലി പൊങ്ങന്താനം ബാബു (വർഗീസ് തോമസ്) വീടിന്റെ ഡൈനിങ് ഹാളിലെ തറയിൽ കിടന്ന ഒരു ബെൽറ്റ് എടുക്കാനായി കുനിഞ്ഞതായിരുന്നു. ഹെൽമെറ്റിന് സമീപം കിടന്ന ആ വസ്തു ബെൽറ്റാണെന്നാണ് അദ്ദേഹം കരുതിയത്. എന്നാൽ, തൊട്ടടുത്ത നിമിഷം അങ്ങേയറ്റം ഭയാനകമായ ഒരു കാഴ്ചയാണ് അദ്ദേഹത്തെ കാത്തിരുന്നത്. താൻ ബെൽറ്റ് എന്ന് തെറ്റിദ്ധരിച്ചത് ചുരുണ്ടുകിടന്ന ഒരു ഭീമൻ രാജവെമ്പാലയെയായിരുന്നു. പെട്ടെന്ന് പാമ്പ് പത്തിവിടർത്തി ചീറ്റിയതോടെ ബാബു ഞെട്ടി പിന്നിലേക്ക് മാറിപ്പോയി.
ജീവൻ പണയപ്പെടുത്തിയുള്ള ഈ അപ്രതീക്ഷിത സംഭവത്തിൽ പതറാതെ, ബാബു ഉടൻ തന്നെ വീട്ടിലുണ്ടായിരുന്ന മറ്റുള്ളവരെ സുരക്ഷിതമായി പുറത്തെത്തിച്ചു. തുടർന്ന് ആ മുറി ഭദ്രമായി പൂട്ടിയ ശേഷം വനം വകുപ്പ് ഉദ്യോഗസ്ഥരെ വിവരമറിയിക്കുകയും ചെയ്തു.
