ന്യൂഡൽഹി∙ പട്നയിൽ സംഘടിപ്പിച്ച സമ്മേളനത്തിനിടെ പ്രധാനമന്ത്രി നരേന്ദ്ര മോദിക്കെതിരെ കോൺഗ്രസ് അധ്യക്ഷൻ മല്ലികാർജുൻ ഖാർഗെ നടത്തിയ പരാമർശം വലിയ രാഷ്ട്രീയ വിവാദങ്ങൾക്ക് തിരിതെളിച്ചു. ‘മോദിയുടെ അച്ഛൻ വിചാരിച്ചാലും മാറില്ല’ എന്ന തരത്തിലുള്ള ഖാർഗെയുടെ പ്രസ്താവനയാണ് ചർച്ചയായത്. തദവസരത്തിൽ സദസ്സിലുണ്ടായിരുന്ന ഒരാൾ, മോദി ഒരിടത്തേക്കും പോകില്ലെന്നും ഇവിടെത്തന്നെ തുടരുമെന്നും ഉറക്കെ വിളിച്ചുപറഞ്ഞതാണ് ഖാർഗെയെ പ്രകോപിപ്പിച്ചത്. ഇതിന് മറുപടിയായാണ് അദ്ദേഹം ഈ പരാമർശം നടത്തിയത്. പിന്നാലെ ബഹളമുണ്ടാക്കിയ ആളെ കോൺഗ്രസ് പ്രവർത്തകർ വേദിയിൽ നിന്ന് പുറത്താക്കി.
പ്രധാനമന്ത്രി മോദി നിരന്തരം നുണ പറയുന്ന വ്യക്തിയാണെന്ന് ഖാർഗെ കുറ്റപ്പെടുത്തി. അധികാരത്തിലേറി നൂറ് ദിവസത്തിനുള്ളിൽ വിദേശത്തുള്ള കള്ളപ്പണം തിരിച്ചുകൊണ്ടുവരുമെന്ന് വാഗ്ദാനം നൽകിയ മോദിയോട്, ആ പണമൊക്കെ എവിടെപ്പോയെന്ന് അദ്ദേഹം ചോദ്യമുന്നയിച്ചു.
