ജീവപര്യന്തം തടവിന് പുറമേ, മറ്റ് മൂന്ന് കുറ്റങ്ങളിലായി യഥാക്രമം ആറുമാസം, ഒരു വർഷം, ഒരു മാസം എന്നിങ്ങനെയും കോടതി തടവുശിക്ഷ വിധിച്ചിട്ടുണ്ട്. എന്നാൽ ഈ ശിക്ഷകൾ ഒരുമിച്ച് അനുഭവിച്ചാൽ മതിയാകും. കോടതി വിധിച്ച പിഴത്തുക കൊല്ലപ്പെട്ട വിനയന്റെ കുടുംബത്തിന് നൽകാനാണ് ഉത്തരവ്. പിഴയൊടുക്കാൻ പരാജയപ്പെട്ടാൽ ഒരു വർഷം കൂടി അധിക തടവ് അനുഭവിക്കേണ്ടി വരും. ഈ കേസിലെ മറ്റ് ഏഴ് പ്രതികളെയും കോടതി നേരത്തെ വെറുതെ വിട്ടിരുന്നു.
2009 മാർച്ച് 12-ന് വൈകീട്ട് 6:50-ഓടെയാണ് വിനയൻ ആക്രമണത്തിന് ഇരയായി കൊല്ലപ്പെട്ടത്. ഹർത്താൽ ദിവസം കൂട്ടുകാരായ സതീശൻ, ദിലീപ് കുമാർ എന്നിവരോടൊപ്പം കടയിൽ നിന്നും സിഗരറ്റ് വാങ്ങാൻ ഇറങ്ങിയതായിരുന്നു വിനയൻ. ആ സമയത്ത് ഇന്നോവ കാറിലെത്തിയ സംഘം അദ്ദേഹത്തെ വെട്ടി കൊലപ്പെടുത്തുകയായിരുന്നു. തലേദിവസം സി.പി.എം പ്രവർത്തകനായ അജയൻ ബി.ജെ.പി പ്രവർത്തകരാൽ കൊല്ലപ്പെട്ടിരുന്നു. ഇതിന്റെ തുടർച്ചയായാണ് വിനയൻ ആക്രമിക്കപ്പെട്ടത്.
Source link
