നവനീതം നവി പിള്ളയ്ക്ക് സമാധാന നൊബേൽ തിളക്കം; ഉപതിരഞ്ഞെടുപ്പിൽ ടിവികെയ്ക്ക് മികച്ച മുന്നേറ്റം- പ്രധാന വാർത്തകൾ
ബംഗാളിലെ നന്ദിഗ്രാമിൽ ബിജെപി സ്ഥാനാർഥി ഹാസി റാണി റത്ത് 1,64,427 വോട്ടുകളുടെ ഭൂരിപക്ഷത്തിലാണ് മിന്നുന്ന വിജയം സ്വന്തമാക്കിയത്. കോൺഗ്രസ് സ്ഥാനാർഥി മിലൻ പ്രധാനാണ് ഇവിടെ എതിരാളിയായി ഉണ്ടായിരുന്നത്. റെജി നഗറിൽ ബിജെപി സ്ഥാനാർഥി ശങ്കരവ് സർക്കാർ 1,29,914 വോട്ടുകളുടെ വലിയ മുന്നേറ്റമാണ് കാഴ്ചവെക്കുന്നത്. മുഖ്യമന്ത്രി സി.ജോസഫ് വിജയ് നേരിട്ട് മുൻനിന്ന് നയിച്ച തമിഴ്നാട്ടിലെ ഉപതിരഞ്ഞെടുപ്പിൽ അണ്ണാഡിഎംകെയുടെ പരമ്പരാഗത കോട്ടകൾ ടിവികെ പിടിച്ചെടുത്തു. അണ്ണാഡിഎംകെ എംഎൽഎമാർ രാജിവെച്ചതിനെ തുടർന്ന് നടന്ന ഉപതിരഞ്ഞെടുപ്പിൽ രണ്ട് സീറ്റിലും മികച്ച ഭൂരിപക്ഷത്തോടെയാണ് വിജയം ഉറപ്പിച്ചത്. രണ്ടിടത്തും അണ്ണാഡിഎംകെ മൂന്നാം സ്ഥാനത്തേക്ക് പിന്തള്ളപ്പെട്ടത് എടപ്പാടി കെ.പളനിസാമിയുടെ നേതൃത്വത്തിന് വലിയ തിരിച്ചടിയായിരിക്കുകയാണ്.
സിഎംആർഎൽ–എക്സാലോജിക് ഇടപാടുമായി ബന്ധപ്പെട്ട് മുൻ മുഖ്യമന്ത്രി പിണറായി വിജയനെതിരെ കേസെടുക്കാൻ ഹൈക്കോടതിയുടെ കർശന നിർദേശം. സിഎംആർഎല്ലും പിണറായി വിജയന്റെ മകൾ വീണയുടെ സ്ഥാപനമായ എക്സാലോജുമായുള്ള സാമ്പത്തിക ഇടപാടുകളിൽ ഇ.ഡി സമർപ്പിച്ച രേഖകളുടെ അടിസ്ഥാനത്തിൽ എഫ്ഐആർ രജിസ്റ്റർ ചെയ്യാനാണ് ജസ്റ്റിസ് എ.ബദറുദീൻ ഉത്തരവിട്ടിരിക്കുന്നത്. ഇ.ഡി നൽകിയ രേഖകളുടെ പശ്ചാത്തലത്തിൽ നേരത്തെ സർക്കാർ പ്രാഥമിക അന്വേഷണത്തിന് ഉത്തരവിട്ടിരുന്നു. എക്സാലോജിക് – സിഎംആർഎൽ മാസപ്പടി കേസിൽ ഇ.ഡി നൽകിയ കത്തിന്റെ അടിസ്ഥാനത്തിൽ എഫ്ഐആർ രജിസ്റ്റർ ചെയ്യണമെന്ന ഹൈക്കോടതി വിധിക്കെതിരെ അപ്പീൽ പോകേണ്ടതില്ലെന്ന് സർക്കാർ തീരുമാനിച്ചു. തുടർന്ന്, പിണറായി വിജയൻ, മുൻമന്ത്രി മുഹമ്മദ് റിയാസ്, ഭാര്യ വീണ എന്നിവർക്കെതിരെ അഴിമതി നിരോധന നിയമപ്രകാരം വിജിലൻസ് ഉടൻ കേസെടുക്കും. യാതൊരുവിധ കാലതാമസവുമില്ലാതെ എത്രയും പെട്ടെന്ന് കേസെടുക്കാനാണ് വിജിലൻസ് ഡയറക്ടർക്ക് കോടതിയുടെ കർശന നിർദേശം ലഭിച്ചിട്ടുള്ളത്.
Source link
