സവാള വില കുതിക്കുന്നു: കനത്ത മഴയും കൃഷിനാശവും തിരിച്ചടിയായി, വില നൂറിലേക്ക്?

ഓണത്തിന് ശേഷം വിലയിൽ കുറവുണ്ടാകുമെന്ന് ഉപഭോക്താക്കൾ പ്രതീക്ഷിച്ചിരുന്നെങ്കിലും, അത് ഫലം കണ്ടില്ലെന്ന് വ്യാപാരികൾ പറയുന്നു. സവാള കൃഷി ചെയ്യുന്ന മറ്റ് സംസ്ഥാനങ്ങളിലെ കാലാവസ്ഥാ വ്യതിയാനങ്ങളാണ് ഈ വിലക്കയറ്റത്തിന്റെ പ്രധാന കാരണം. കരിഞ്ചന്തയും പൂഴ്ത്തിവയ്പ്പും ലാഭക്കൊതിയും വില വർധനവിന് വഴിയൊരുക്കുന്നുണ്ടെന്ന് കഴിഞ്ഞ ദിവസം കേന്ദ്ര സർക്കാർ വിമർശിച്ചിരുന്നു. ഡൽഹിയിൽ ഓഗസ്റ്റ് 27-ലെ കണക്കുകൾ പ്രകാരം ഒരു കിലോ സവാളയ്ക്ക് 62 രൂപയായിരുന്നു വില.

സ്വർണം വാങ്ങാൻ പറ്റിയ സമയം, ഇന്നുണ്ടായത് ഞെട്ടിക്കുന്ന കുറവ്; പവന് 1,16,040 രൂപ

കേരളത്തിലേക്കും സവാള എത്തും

കേരളത്തിലെ വിലക്കയറ്റം കണക്കിലെടുത്ത് എറണാകുളത്തേക്ക് സവാള എത്തിക്കാൻ നടപടികൾ സ്വീകരിച്ചതായി കേന്ദ്ര ഉപഭോക്തൃ കാര്യ സെക്രട്ടറി അറിയിച്ചു. മധുര, ഗുവാഹത്തി, എറണാകുളം എന്നിവിടങ്ങളിലേക്ക് ഘട്ടംഘട്ടമായി സവാള എത്തിക്കാനാണ് തീരുമാനം. ഡൽഹിയിലും പരിസര പ്രദേശങ്ങളിലും വില നിയന്ത്രിക്കുന്നതിനായി മഹാരാഷ്ട്രയിലെ നാസിക്കിൽ നിന്ന് 453.65 ടൺ സവാള ട്രെയിൻ മാർഗം എത്തിച്ചിരുന്നു.
21 വാഗണുകളിലായി എത്തിച്ച ഈ സവാള, കിലോയ്ക്ക് 35 രൂപ എന്ന സബ്സിഡി നിരക്കിൽ ഡൽഹി-എൻസിആറിൽ വിതരണം ചെയ്യും. ഇതിന്റെ ഒരു ഭാഗം ജമ്മു, ചണ്ഡീഗഡ്, ലുധിയാന തുടങ്ങിയ സ്ഥലങ്ങളിലേക്കും അയക്കുമെന്ന് ഖരെ വ്യക്തമാക്കി.

കൃഷി നാശം വില ഉയർത്തുന്നു

കനത്ത മഴ സവാള ഉത്പാദനത്തെ സാരമായി ബാധിച്ചിട്ടുണ്ട്. രാജ്യത്ത് ഈ വർഷം 307.37 ലക്ഷം ടൺ സവാള ഉത്പാദിപ്പിച്ചിട്ടുണ്ട്, ഇത് ആഭ്യന്തര ആവശ്യത്തേക്കാൾ കൂടുതലാണ്. എന്നാൽ വിളവെടുപ്പ് സമയത്തുണ്ടായ മഴ തിരിച്ചടിയായി. മാർച്ച്-ഏപ്രിൽ മാസങ്ങളിലെ മഴയും ജൂൺ-ജൂലൈ മാസങ്ങളിലെ ഉയർന്ന ചൂടും ഈർപ്പവും കാരണം വലിയൊരു ശതമാനം സവാളയും ഫംഗസ് ബാധിച്ച് നശിച്ചു.

പ്രതിമാസം ഏകദേശം 17 ലക്ഷം മെട്രിക് ടൺ സവാളയാണ് രാജ്യത്തിന്റെ ആവശ്യം. ഉത്പാദനം ആവശ്യത്തിലധികം ഉണ്ടെങ്കിലും കാലാവസ്ഥാ പ്രത്യാഘാതങ്ങൾ കാരണം ലഭ്യത കുറയുകയായിരുന്നു. സ്റ്റോക്ക് ചെയ്യുന്നവയിൽ 35 മുതൽ 40 ശതമാനം വരെ നഷ്ടപ്പെട്ടാൽ വിപണിയിൽ പ്രതിസന്ധിയുണ്ടാകും. ഇത് ചില്ലറ വിപണിയിൽ വില കിലോയ്ക്ക് 30-32 രൂപ വരെ ഉയരാൻ കാരണമാകുന്നു.

3,000 മുണ്ടുകൾ, 30 അടി വലുപ്പം; കൊച്ചിയെ ഞെട്ടിച്ച റാംരാജ് കോട്ടന്റെ ഓണാഘോഷം ഏഷ്യ ബുക്ക് ഓഫ് റെക്കോഡ്സിൽ

നാശനഷ്ടം 40 ശതമാനത്തോളം

സാധാരണയായി എല്ലാ വർഷവും ഏകദേശം 25 ശതമാനം സവാള വിവിധ കാരണങ്ങളാൽ കേടുവരാറുണ്ട്. എന്നാൽ ഇത്തവണത്തെ അമിതമായ ഈർപ്പവും കാലാവസ്ഥാ പ്രശ്നങ്ങളും കാരണം ഇത് 35 മുതൽ 40 ശതമാനം വരെയായി വർധിച്ചു. ഏകദേശം 110 മുതൽ 120 ലക്ഷം ടൺ സവാളയാണ് ഇത്തവണ നശിച്ചുപോയത്.

കേന്ദ്ര സർക്കാർ നിലപാട്

സവാള വില ഉയരുന്നതിന് പിന്നിൽ ഇടനിലക്കാരുടെ ഇടപെടലുകൾ ഉണ്ടെന്ന് കേന്ദ്ര കൃഷി മന്ത്രി ശിവരാജ് സിംഗ് ചൗഹാൻ പറഞ്ഞു. കർഷകർക്കും ഉപഭോക്താക്കൾക്കും ഗുണകരമാകുന്ന രീതിയിൽ വിപണി ക്രമീകരിക്കാനാണ് സർക്കാർ ലക്ഷ്യമിടുന്നത്. കരിഞ്ചന്തയും പൂഴ്ത്തിവയ്പ്പും വിപണിയിൽ അനാവശ്യമായ വിലക്കയറ്റം ഉണ്ടാക്കുന്നതായി കേന്ദ്ര ഉപഭോക്തൃ കാര്യ സെക്രട്ടറി നിധി ഖരെയും ആവർത്തിച്ചു.