സിനിമയിൽ അവസരം തേടി ചെന്നൈയിൽ എത്തിയ അദ്ദേഹം, തുടക്കകാലത്ത് ഭാഗ്യരാജ് നടത്തിയിരുന്ന ‘ഭാഗ്യ’ എന്ന മാസികയിൽ പ്രവർത്തിച്ചിരുന്നു. പിന്നീട് 1996-ൽ ഭാഗ്യരാജ് സംവിധാനം ചെയ്ത ‘ജ്ഞാനപ്പഴം’ എന്ന ചിത്രത്തിലൂടെ ഗാനരചയിതാവായി അരങ്ങേറ്റം കുറിച്ചു.
കഴിഞ്ഞ മൂന്ന് പതിറ്റാണ്ടുകളിലായി രണ്ടായിരത്തിലധികം ഗാനങ്ങളാണ് പാ. വിജയ് രചിച്ചിട്ടുള്ളത്. ഞാപകങ്ങൾ, ഇളൈഞ്ജൻ, ആരുത്ര, സ്ട്രോബെറി, നെയ്യപ്പുഡൈ, തകട് തകട് തുടങ്ങിയ സിനിമകളിൽ അദ്ദേഹം നായകനായും വേഷമിട്ടിട്ടുണ്ട്.
തമിഴ്നാട് മുൻ മുഖ്യമന്ത്രി എം. കരുണാനിധിയാണ് പാ. വിജയിക്ക് ‘വിത്തക കവിജ്ഞർ’ എന്ന വിശേഷണം നൽകി ആദരിച്ചത്. കവി വാലി അദ്ദേഹത്തെ തന്റെ കലാജീവിതത്തിന്റെ പിൻഗാമിയായാണ് വിശേഷിപ്പിച്ചത്. ഇന്ന് പാ. വിജയിയുടെ ജന്മദിനം.
