സ്വർണവിലയിൽ റെക്കോർഡ് കുതിപ്പ്; കേരളത്തിൽ പവന് 1,16,800 രൂപയിലേക്ക്; ഞെട്ടിക്കുന്ന വിലവർദ്ധനവ് ഇങ്ങനെ

പശ്ചിമേഷ്യൻ സംഘർഷാവസ്ഥയിൽ നേരിയ ശമനമുണ്ടായെന്ന് കരുതിയെങ്കിലും, അമേരിക്കയും ഇറാനും തമ്മിലുള്ള ഭിന്നതകൾ രൂക്ഷമായി തുടരുന്നത് സ്വർണ വിലയെ ബാധിക്കുന്നുണ്ട്. സ്വർണം വൻതോതിൽ ഇറക്കുമതി ചെയ്യുന്ന ഇന്ത്യ പോലുള്ള രാജ്യങ്ങളിൽ ഈ ആഗോള പ്രതിസന്ധി വിലയിൽ പ്രതിഫലിക്കുകയാണ്. 18 കാരറ്റ് സ്വർണത്തിന് ഗ്രാമിന് 325 രൂപ കൂടി 11,995 രൂപയിലെത്തി; പവന് 95,960 രൂപയാണ് പുതിയ നിരക്ക്.

2,000 രൂപയ്ക്ക് മുകളിലുള്ള യുപിഐ ഇടപാടുകൾക്ക് ഫീസ് നൽകേണ്ടിവന്നേക്കും; നീക്കവുമായി കേന്ദ്രം14 കാരറ്റ് സ്വർണ വിഭാഗത്തിലും വലിയ വിലവർധനവാണ് കാണുന്നത്. ഗ്രാമിന് 200 രൂപ വർധിച്ച് 9,340 രൂപയായി. ഇതോടെ ഒരു പവൻ 14 കാരറ്റ് സ്വർണത്തിന് 74,720 രൂപയായി മാറി. 9 കാരറ്റ് സ്വർണത്തിന് 165 രൂപയുടെ വർധനയോടെ ഒരു ഗ്രാമിന് 6,025 രൂപയായിട്ടുണ്ട്; പവന് 48,200 രൂപയാണ് വില. അതേസമയം, വെള്ളി വിലയിൽ വലിയ മാറ്റങ്ങളില്ലാതെ ഒരു ഗ്രാമിന് 255 രൂപ എന്ന നിലയിൽ തുടരുന്നു.

കഴിഞ്ഞ ദിവസങ്ങളിൽ സ്വർണവിലയിൽ തുടർച്ചയായ മാറ്റങ്ങളുണ്ടായിരുന്നു. പശ്ചിമേഷ്യയിലെ അസ്ഥിരമായ സാഹചര്യങ്ങൾ വിപണിയെ സ്വാധീനിക്കുന്നത് തുടരുകയാണ്. ഇറാനും അമേരിക്കയും തമ്മിലുള്ള തർക്കങ്ങൾ പരിഹരിക്കാൻ നീക്കങ്ങൾ നടക്കുന്നുണ്ടെന്ന അഭ്യൂഹങ്ങൾക്കിടെ, ചർച്ചകളൊന്നും നടക്കുന്നില്ലെന്ന് യുഎസ് പ്രസിഡൻ്റ് ഡൊണാൾഡ് ട്രംപ് വ്യക്തമാക്കിയത് വിപണിയിലെ ആശങ്ക വർധിപ്പിച്ചിട്ടുണ്ട്.