തിരുവനന്തപുരം: വിദേശത്തുനിന്നും മടങ്ങിയെത്തിയ കേരളീയർക്കായി ‘നോർക്ക റിട്ടേണി ഐ.ഡി കാർഡ്’ എന്ന നാമകരണത്തിൽ തിരിച്ചറിയൽ രേഖ ലഭ്യമാക്കുന്നു. ഇതുസംബന്ധിച്ച് ഔദ്യോഗിക അനുമതി ലഭിച്ചിട്ടുണ്ട്. പ്രവാസികളുടെ ഏറെക്കാലമായുള്ള ഒരു പ്രധാന ആവശ്യമാണ് ഇതിലൂടെ സാക്ഷാത്കരിക്കപ്പെടുന്നത്. ചുരുങ്ങിയത് രണ്ടു വർഷത്തെയെങ്കിലും പ്രവാസജീവിതത്തിനു ശേഷം തിരികെയെത്തിയവർക്കാണ് ഈ കാർഡിന് അർഹതയുള്ളത്. ഇതിനായുള്ള ഓൺലൈൻ അപേക്ഷാ സംവിധാനം ഇന്ന് രാവിലെ 11 മണി മുതൽ www.norkaroots.kerala.gov.in ഔദ്യോഗിക വെബ്സൈറ്റിൽ പ്രവർത്തനക്ഷമമാകും.
Source link
മൂന്നു വർഷമാണ് ഈ തിരിച്ചറിയൽ കാർഡിന്റെ കാലാവധി. ഇതിനായി 200 രൂപയാണ് ഫീസ് ഈടാക്കുന്നത്. കാർഡിനായുള്ള വിവരങ്ങൾ ഓൺലൈനായി രജിസ്റ്റർ ചെയ്യുന്നതിന് തിരുവനന്തപുരത്തെ നോർക്ക സെന്ററിൽ പ്രത്യേക സഹായ ഡെസ്കും സജ്ജീകരിച്ചിട്ടുണ്ട്. റജിസ്ട്രേഷന് ശേഷമുള്ള രേഖകളുടെ പരിശോധനകൾ പൂർത്തിയാകുന്ന മുറയ്ക്ക്, അപേക്ഷകൻ നൽകിയിട്ടുള്ള മൊബൈൽ നമ്പറിലേക്ക് ഇ-കാർഡ് അയച്ചുനൽകും. അപേക്ഷ സമർപ്പിക്കുന്നതിനായി പാസ്‌പോർട്ട് സൈസ് ഫോട്ടോ, ഒപ്പ്, ആധാർ കാർഡ്, ഒപ്പം പ്രവാസിയായിരുന്നു എന്ന് സ്ഥിരീകരിക്കുന്നതിനുള്ള രേഖകൾ എന്നിവ സമർപ്പിക്കേണ്ടതാണ്.
Source link
