കൂത്തുപറമ്പ്: ചിറ്റാരിപ്പറമ്പ് പഞ്ചായത്തിന്റെ പരിധിയിൽ വരുന്ന കണ്ണവത്ത് രണ്ട് വേറിട്ട ഇടങ്ങളിലായി സ്‌ഫോടനങ്ങൾ ഉണ്ടായതായി റിപ്പോർട്ട്. ഞായറാഴ്ച അർദ്ധരാത്രി പതിനൊന്നുമണിയോടെയായിരുന്നു സംഭവം. കണ്ണവം റേഞ്ച് ഫോറസ്റ്റ് ഓഫീസിനു തൊട്ടടുത്തുള്ള റോഡിലും, ഇതിന് സമീപത്തുള്ള ചുണ്ടയിലുമാണ് സ്‌ഫോടനങ്ങൾ നടന്നത്. സ്‌ഫോടനത്തിന്റെ തീവ്രതയിൽ റേഞ്ച് ഫോറസ്റ്റ് ഓഫീസിന്റെ കെട്ടിടത്തിന്റെ ചില്ലുകൾ തകർന്നുപോയി. സംഭവത്തിൽ കണ്ണവം പോലീസ് കേസെടുത്ത് വിശദമായ അന്വേഷണം ആരംഭിച്ചു.
