സുഗതനെപ്പോലെയുള്ളവരെ പിന്തുണക്കേണ്ട ഗതികേടിൽ മുൻ ഡി.ജി.പി; അഴിമതിക്കെതിരെ കടുത്ത അതൃപ്തി നിലനിൽക്കുന്നു

തിരുവനന്തപുരം ∙ മാന്യമായ ജീവിതവും സാമൂഹിക സേവനവും ലക്ഷ്യമിടുന്ന ആർക്കും ബിജെപി–ആർഎസ്എസ് വ്യവസ്ഥിതിയിൽ ദീർഘകാലം പിടിച്ചുനിൽക്കാനാകില്ലെന്ന് എൽഡിഎഫ് കോർപറേഷൻ പാർലമെന്ററി പാർട്ടി നേതാവ് എസ്.പി. ദീപക് വ്യക്തമാക്കി. കാപ്പ കേസ് പ്രതിയായ സുഗതനെപ്പോലെയുള്ളവരെ ന്യായീകരിക്കേണ്ട ഗതികേടാണ് മുൻ ഡിജിപിക്കുണ്ടായത്. കോർപറേഷനിലെ അഴിമതിയിലും അവർക്ക് കടുത്ത വിയോജിപ്പുണ്ടാകുമെന്ന് അദ്ദേഹം പറഞ്ഞു.30-ാം തീയതി തന്നെ താൻ രാജിക്കത്ത് മേയർക്ക് കൈമാറിയെന്ന് ആർ. ശ്രീലേഖ പറയുന്നുണ്ടെങ്കിലും മേയർ ആ വിവരം രഹസ്യമാക്കി വെക്കുകയായിരുന്നു. സംഭവം പുറത്തായ ശേഷം മാധ്യമങ്ങളെ കണ്ടപ്പോഴാണ് മേയർ കത്ത് ലഭിച്ച വിവരം പോലും സ്ഥിരീകരിച്ചത്. രാജിക്കത്ത് നൽകിയിട്ടും അനുനയ നീചങ്ങളൊന്നും ഉണ്ടാകാത്തതിനെ തുടർന്നാണ് ശ്രീലേഖ വിവരം പരസ്യപ്പെടുത്തിയത് എന്നാണ് വിവരം. മേയർക്കല്ല രാജിക്കത്ത് നൽകേണ്ടത് എന്ന നിയമവശം അറിയാവുന്ന ശ്രീലേഖ, തിങ്കളാഴ്ച കലക്ടർക്ക് കത്തുനൽകുമെന്നാണ് സന്ദേശത്തിൽ വ്യക്തമാക്കുന്നത്. എന്നാൽ ചട്ടപ്രകാരം കോർപറേഷൻ സെക്രട്ടറിക്കാണ് രാജി കത്ത് നൽകേണ്ടത്. പത്ത മാസത്തോളമായി ഉള്ളിൽ നീറിപ്പുകഞ്ഞ അസംതൃപ്തി പരസ്യമാക്കി, നേതൃത്വത്തിൽനിന്ന് അനുകൂല നടപടിയുണ്ടാവാനായുള്ള സമ്മർദ തന്ത്രമാണിതെന്നാണ് വിലയിരുത്തപ്പെടുന്നത്. ഇതിനിടയിൽ ശ്രീലേഖ കോൺഗ്രസിലേക്ക് ചാടുന്നുവെന്ന അഭ്യൂചകൾ പരന്നെങ്കിലും സ്ഥിരീകരണം വന്നിട്ടില്ല. അതേസമയം, പ്രശ്നം പരിഹരിക്കാനുള്ള തീവ്രശ്രമത്തിലാണ് ബിജെപി നേതൃത്വം.

രാജിക്കത്ത് നിയമപരമല്ല‌

തിരുവനന്തപുരം ∙ കൗൺസിലർ പദവിയിൽനിന്ന് പടിയിറങ്ങുന്നുവെന്ന് വാട്സാപ് ഗ്രൂപ്പിലൂടെ അറിയിച്ച ആർ. ശ്രീലേഖയുടെ നടപടി നിയമപരമായ ചട്ടക്കൂടുകൾ പാലിച്ചുകൊണ്ടല്ല. 1994 ലെ കേരള മുനിസിപ്പാലിറ്റി നിയമമനുസരിച്ച് കോർപറേഷൻ സെക്രട്ടറിക്കാണ് കൗൺസിലർമാർ രാജി സമർപ്പിക്കേണ്ടത്. രാജി സമർപ്പിക്കാൻ പ്രധാനമായും രണ്ട് വഴികളാണുള്ളത്. നിശ്ചിത മാതൃകയിലുള്ള രാജി നേരിട്ട് കോർപറേഷൻ സെക്രട്ടറിയുടെ കൈകളിൽ ഏൽപ്പിക്കാം. സെക്രട്ടറി കത്ത് സ്വീകരിക്കുന്ന നിമിഷം മുതൽ രാജി ഔദ്യോഗികമായി പ്രാബല്യത്തിൽ വരും. അല്ലെങ്കിൽ റജിസ്ട്രേഡ് തപാൽ മാർഗം അയക്കാം. ഈ സാഹചര്യത്തിൽ രാജിക്കത്ത് ഗസറ്റഡ് ഓഫിസർ സാക്ഷ്യപ്പെടുത്തിയിരിക്കണം. ഇതും സെക്രട്ടറി കൈപ്പറ്റുന്ന തീയതി മുതൽ നടപ്പിലാകും. രാജി ലഭിച്ചാലുടൻ സെക്രട്ടറി ഇക്കാര്യം മേയറെയും കോർപറേഷൻ കൗൺസിലിനെയും ഒപ്പം സംസ്ഥാന തിരഞ്ഞെടുപ്പ് കമ്മിഷനെയും ഔദ്യോഗികമായി അറിയിക്കേണ്ടതുണ്ട്.