തിരുവനന്തപുരം തഹസിൽദാർ അനീഷിന്റെ മേൽനോട്ടത്തിൽ ഹെഡ് സർവെയറും രണ്ട് താലൂക്ക് സർവെയർമാരും അടങ്ങുന്ന വിദഗ്ധ സംഘമാണ് അളവെടുപ്പിന് നേതൃത്വം നൽകുന്നത്. രണ്ട് വ്യത്യസ്ത സർവേ നമ്പരുകളിലായാണ് ഈ ഭൂമി സ്ഥിതി ചെയ്യുന്നത്. സർവേയ്ക്കായി കാടുകൂടി കിടക്കുന്ന പ്രദേശം വെട്ടിത്തെളിക്കുന്നതിനുള്ള സാമ്പത്തിക ചെലവ് സർവകലാശാലയാണ് വഹിക്കുന്നത്. സി.പി.എമ്മിന്റെ നിയന്ത്രണത്തിലുള്ള എ.കെ.ജി സ്മാരക സമിതിക്ക് എ.കെ.ജി പഠന ഗവേഷണ കേന്ദ്രം നിർമ്മിക്കുന്നതിനായി 1977-ൽ എ.കെ. ആന്റണി സർക്കാരാണ് ഈ സർവകലാശാല ഭൂമി സൗജന്യമായി വിട്ടുനൽകിയത്. എന്നാൽ, സർക്കാർ ഔദ്യോഗികമായി അനുവദിച്ചതിനേക്കാൾ കൂടുതൽ വിസ്തൃതിയിൽ ഭൂമി കൈയേറി എന്നാണ് സേവ് യൂണിവേഴ്സിറ്റി ക്യാമ്പെയിൻ കമ്മിറ്റിയുടെ പ്രധാന ആരോപണം.
യൂനിവേഴ്സിറ്റി വക ഭൂമി അളന്നു തിട്ടപ്പെടുത്തി കൃത്യമായ കണക്കുകൾ കോടതിക്ക് സമർപ്പിക്കുമെന്നും, ഇവിടെ അനധികൃത കൈയേറ്റം നടന്നിട്ടുണ്ടോ എന്ന് കോടതി തീരുമാനിക്കട്ടെയെന്നും റവന്യൂ മന്ത്രി എ.പി. അനിൽ കുമാർ വ്യക്തമാക്കി. ഹൈക്കോടതിയുടെ കർശന നിർദ്ദേശത്തെ തുടർന്നാണ് ഇപ്പോൾ സർവകലാശാല ഭൂമി അളക്കുന്നത്.
Source link
